Ons is ‘n gemeente wat deel vorm van die AGS van Suid-Afrika, en het ‘n visie om van alle persone in ons gemeenskap passievolle dissipels van Jesus te maak!
By ons gemeente is dit ons hart om ’n plek van hoop, liefde en aanvaarding te wees waar elke persoon welkom voel. Ons glo dat God elke mens met ’n doel geskape het en dat ware lewe gevind word in ’n persoonlike verhouding met Jesus Christus. Daarom streef ons daarna om mense te bedien deur opregte aanbidding, Bybelse lering, gebed en omgee vir mekaar.
Ons begeerte is dat mense nie net kerk sal bywoon nie, maar werklik deel sal word van ’n geestelike familie waar hulle kan groei, ondersteuning kan ontvang en hul geloof prakties kan uitleef. Ons glo in die krag van gemeenskap, die werking van die Heilige Gees en die transformasie wat plaasvind wanneer mense hul harte oopmaak vir God.
Of jy nou al lank die Here dien, weer op soek is na Hom, of net nuuskierig is oor geloof – daar is plek vir jou hier. Ons nooi jou uit om saam met ons die Here te aanbid, in geloof te groei en ’n verskil in ons gemeenskap te maak tot eer van God.
Afrikaanse Diens
08:30vm
(Kinderkerk tydens die diens)
English Service
10:30am
(Everyone is welcome)
Ons wil in alle platfroms ‘n ruimte skep waarin mense Jesus kan beleef.
Ons wil jou begelei om te reageer op God se genade: Bekering, oorgawe, dienswerk, vergifnis en liefde: Alles is reaksies op dit wat Jesus reeds gedoen het.
Om saam met jou die pad te stap tot geestelike volwassenheid en jou toe te rus vir die roeping wat God vir jou het.
Dat elke venoot aktief sal betrokke raak in dienswerk. Jesus self het gesê: “Die oes is groot en die arbeiders min…” Die Heilige Gees het aan elkeen geestelike gawes sowel as natuurlike talente gegee, en dit vorm die basis vir ons dienswerk.
